სახალხო მთქმელები

მიხა ხელაშვილი (1895-1921)
ლექსო, ამოგთქომ ოხერო,
თორო იქნება ვკვდებოდე/
და შენ კი ჩემდა სახსოვრად/
სააქაოსა რჩებოდე . . .

ნეტაი ჩემო სახელო,
დიდხანამც იხსენებოდე,/
სახლო არ დაიშლებოდე,/
ცოლო არ გათხოვდებოდე
შენ ჩემო სამარის კარო,/
შენამც კი აყვავდებოდე,
ჩემო ნათქვამო სიტყვაო,
ნეტაი გაჰქვეყნდებოდე.



ივანე წიკლაური:
ყველა მყავ დავიწყებული/
ამ ქვეყნად, გარდა ერთისა./
მის გამო გულის დარდები/
ზღვათა მდინარედ ერთვისა./
მე ჩემს ქუდს ვფიცავ თავზედა,/
ქალავ, შენს თავზე მერდინსა,/
არ ჩანდი, ჩემთვის ბნელ იყვა,/
გნახავდი _გამითენდისა,/
კლდის ფხაზე თეთრო ყოიულო,/
სანთელო ქარაფებისა.

ზაჰესის მშენებელ ბესარიონ ჭიჭინაძეს:
“ჭიჭინაძევ, შენ . . . .მოგიკვდა დედაო,/
რად გინდოდა ეს ზაჰესი, ნეტაო?
არშიყობას დაგვიშლიან ქუჩებში,/
ელექტრონი ჩაგვანათებს ტუჩებში.

ვახუშტი კოტეტიშვილი:
_"ჭინჭარაულო, პოსტოი,/ მოდი, დავლიოთ პო სტოი”
ლექსო ჭინჭარაული:
_”ტი ხოჩეშ მენია პოდვესტი, პო სტოს მოყვება პო დვესტი!”


ნუ იამაყებ, გინდ იყო/
ცხრათავა ბაყბაყ დევია,/
ნუ იტყვი: “ის რას დამაკლებს, მე ვარო მძლეთამძლევია,/
გახსოვდეს, კოვზსა პაწიას დიდი ზღვა დაულევია,/
ალვის ხე, ცამდე ასული, ჭინჭველას წაუქცევია


2002წლის საახალწლო:
ახალი წელი მოვიდა,/
წელი ბატკნის თუ თხისაო,/
მთავრობა კი ძველებურად ჩვენთვის სამარეს თხრისაო,/
სინდისი იმას არა აქვს,/
თავი აბია ხისაო,/
შეშად თუ გამოგვადგება,
არაფრის მაქნისიაო!



სადა ხარ, მიქელავ? წამიყვა, გბარდები./
მძიმეა, მტანჯავენ/ მზისფერი დარდები!



ენითა მუნჯი სჯობია/
ცრუმეტყველ მოუბარსაო,/
ათასი მტერი სჯობია/
ერთ სულელ მეგობარსაო.

დიდუბის მეტროში პასტების გამყიდველი:
ვინც დამიჯერებს, კარგს იზამს,/ ვინც არა და, რას იზამ!

ხ ა ლ ხ უ რ ი

აზამბურელი თათარი გოჭის თავს მეცილებოდაო
არ აშენდა ქურდის სახლი და არ მონადირისაო,
სამი დღით ადრე დაიქცა მეთევზე-მებადურისაო.




ბევრის მცოდნე ბევრჯერ შეცდებაო
ბევრი ყოყმანი კაცს წაახდენს
ბრმა ქორწილში გაუშვეს, კოჭლი _სანადიროდ

ბოროტი ისაა, ვინც მხოლოდ თავისთვისაა კეთილი

გამარჯობა არაყო, მშვიდობით ჭკუაო

გლახა მაყარი ჭირსაც დააკლდა და ლხინსაცო




ვაჟკაცს არ გამაადგების/
სოფელთ შვენება ტანისა,
მიდგომ-მოდგომა ბანზედა,
გამჩვენეობა ქალისა

_ვინც მოკვდა, თავსა მოუკვდა, ცოცხალი გონიერია,
წავა და ყველგან დარჩება, სოფელი ღონიერია
ვინც ყურებამდე ნეხვშია, ის პირს არც აღებს.

ვისაც ხმალი არა აქვს, ქალი არ გაეტანების!

ვირს კურტანს არ ხსნიდნენ, აქაო და უხდებაო.

თავად იციან ცოცხალთა, თავს საით უქმენ მკვდარსაო.

ისეთი ხიდი გასდე, შვილიშვილს გამოადგეს.

კამეჩთან მოჭიდავე ხარს რქები არ შერჩაო
კარგ მშოვნელს კარგი შემნახავი ჯობიაო
კაცის თვალს შავი მიწა თუ გააძღობს.

კაი ყმა ხმალსა გახედავს,/ ნეტარ გამიჭრის თუ არა?
ცუდაი ქალის უბესა - ნეტარ შამიხვევს თუ არა?

კოვზით მოგროვებული ნიჩბით გადაყარეს

ლამაზი ქალის მწყემსი მისი სინდისია
ლომის ნადგომზე ძვლები რჩება, კაცისაზე _სახელი


მართლის მთქმელ მტრედს ნისკარტი მოაჭრესო

მარილის მთხოვნელს მარილს თუ არ გაატან, მარილიანი სიტყვა მაინც უთხარი.

მარილზე გასვლა _ დაღუპვა, გარდაცვალება. სვანები მარილისთვის ხონში მიდიოდნენ ცხენისწყლის ხეობით, სახიფათო ბილიკებით. ვინმე რომ გადაიჩეხებოდა, იტყოდნენ: “აჩად ჯიმთე ხონთე!”

მგლის ყური გამოიბა (თავი მოიყრუა, ძაღლის შესატყუებლად ტყეში ბოკვერების დსაგეშავად).


მოთმინება სამოთხის გასაღებია

ნივთი ახალია კარგი, მეგობარი _ძველი.

ორი ქაჩალი სავარცხლისთვის ჩხუბობდნენო.

როცა მეფეს სძინავს, ქვეყანა შვებით ვერ დაიძინებს.

სიმართლე ბინდს ანათებს, ტყუილი კი მზესაც აქრობს
სხვის ჯიბეში ჩურჩხელა ტკბილად ვერ დაგვაბერებს.

ტოლმა ტოლს რითი აჯობა და ცოლის მოყვანით.

უსწავლელი კაცი უტარო ცელიაო.

ყვავების შიშით ბრიყვი ჭიშკარს კეტავდაო.

ყმის ცრემლი ოდესმე მეფეს მოეკითხებაო.

შიშის დროს კაცს ღმერთი ახსენდება.

“შენი ჭირიმეთი” შვილი არ გაიზრდება.

ცხენზე შემჯდარი უნაგირს ეძებდაო.


ჭიშკარი მაგრად მიხურეს, ძერამ წიწილა არ წაიღოსო.


საქართველოში განთქმული ყოფილა: გოცირიძის ხმალი, წერეთლის მწვადი, ყაფლანიანთ კაბა,ციციანთ სუფრა,ოთოთაანთ ქორი, გაბაშვილის საათი, სააკაძის ცხენი, თარხანიანთ წყალობა, ჯავახიანთ გალობა, ციციანთ ქონება.

ე ქ ი მ ე ბ ი ს იუმორი

• ჯობია ეგდო ქუჩაში მთვრალი,
• ვიდრე მეფის ტახტზე გიხილონ მკვდარი!
• უსიმღეროდ ქეიფს სიმღერით თოხნა ჯობია!

_როჯერსი ამტკიცებს, რომ საუკეთესოა ექიმებს შორის, რადგან არასდროს არ ეკითხება ავადმყოფს, თუ რა აწუხებს; თავად უნდა მიხვდეს. რისი მკურნალია? . . . _ბეითალია, ვეტექიმი.

სასწრაფოში რეკავენ: არიქა, მალე მოდით, ავადმყოფს სიცხე აქვს! _თუ ძალიან მაღალია, მოვალთ.
_კი, ექიმო, ძალიან მაღალია, მეტრი და 90 სანტიმეტრია!

ავადმყოფი: ექიმო, რაიმე იაფიანი დიაგნოზი დამისვი (თორემ გამისკდა გული)

ექოსკოპიის შემდეგ ექიმი პაციენტს: _მოგილოცავთ, თქვენ ფეხმძიმედ ბრძანდებით! პაციენტი: _დარწმუნებული ხართ, რომ ბავშვი ჩემია?


60 წლის შემდეგ დილით თუ გაიღვიძე და არაფერი გტკივა, ე.ი. მკვდარი ხარ!

ნაზიკიას ექიმმა წონის დასაკლები წამლები დაუნიშნა
და გააფრთხილა, მხოლოდ 200 გრამი მოხარშული ხორცი ჭამეო. პაციენტი: _ჭამის შემდეგ?

_ექიმო, მჭადის სახელი მავიწყდება! _ყველი, შე კაცო! _გაახსენდა ექიმს.

ოპერაციამდე_ექიმო, ფეხს ხომ არ დავკარგავ?
_გააჩნია, სად შეინახავ!

ვჭამ, ვსვამ და მადლიერი არავინაა!


ამირან კალაძე: _ჰოი, გულო, რა დროს ამიკვნესდი/ აჭრიალდა ბედის კარუსელი./ მე რამდენი ნატვრა აგისრულე,/ შენ ერთ ტკივილსაც ვერ გაუძელი/

მსახიობი მარლენ ბრანდო (სიბერეში 180 კგ გახდა): სიბერე ის პერიოდია, როდესაც ხვდები, რომ ცხოვრებაში არ გყოლია ნამდვილი მტერი _საკუთარი თავის გარდა.


ბიუჯეტი განსაზღვრავს ჩვენი ჯიბის სისქეს და ქამრის სიგრძეს

ექიმებს არ უნდათ უშარვლოდ დარჩნენ და ამიტომ ინტერესდებიან სხვისი ჯიბეებით

$ რჩევები კასტორკასავითაა: ჯობს სხვას მისცე, ვიდრე შენ მიიღო.

$ თერაპევტებმა ცოტა იციან და ცოტას აკეთებენ.

ქირურგებმა ცოტა იციან, მაგრამ ყველაზე უკეთ შეუძლიათ გააკეთონ.

ინტერნებმა ყველაფერი იციან, მაგრამ არაფრის კეთება არ შეუძლიათ.

პათანატომებმა ყველაფერი იციან, ყველაფრის გაკეთებაც შეუძლიათ, მგრამ . . .გვიანია.


$_შენ ქმარს გული ისევ აწუხებს? _აჰ, აღარ! _ოპერაციამ უშველა? _კი, მოისვენა საწყალმა, მხოლოდ ორი დღე იწვალა.

$ _ექიმო, გჯერათ მიცვალებულების დაბრუნების? _ეს რომ მჯეროდეს, პროფესიას შევიცვლიდი.

$ _ქირურგს ნიღაბი რატომ უკეთია? _რომ არ იცონს ავადმყოფმა.

$ I ექიმი: სამი თვის წინანდელი დიაგნოზით ეს პაციენტი ეხლა მკვდარი უნდა იყოს! II ექიმი: _რას იზამ, თუ პაციენტს არ უნდა სიკვდილი, იქ მედიცინა უძლურია!

$ _ექიმო, ხომ არ ვკვდები? _არ ინერვიულოთ, ეს აბი მიიღეთ ძილის წინ, ეს კიდევ დილით, თუ გაიღვიძებთ.

$ ექიმი:_ თქვენი ავადმყოფობა მემკვიდრეობითია! _შეუძლებელია! მე ხომ ობოლი ვარ.

$ ქერტლისაგან განთავისუფლების საუკეთესო საშუალება გელიოტინაა.

$ ექიმი პაციენტს დიდხანს და გულდასმით სინჯავს: _ვერ გამიგია! ან სტეტოსკოპი გაფუჭდა, ან დიდი ხნის მკვდარია

$ გაკვეთამ დაადასტურა, რომ მიცვალებულის სიკვდილის მიზეზი . . .გაკვეთაა.

ყველა პუბლიკაცია კარგია, გარდა . . .ნეკროლოგისა.


_სიგარეტისათვის თავის დანებებაზე ადვილი რაა?! მე ბარე ასჯერ მაინც მაქვს დანებებული თავი.

$_მიცვალებულს ჰალსტუხ რატომ არ უკეთია?
_არ უყვარდა, ცხონებულს.
_რავა, ბალზამი ენატრებოდა?

$ერთმა სწავლულმა გადასწყვიტა გაეგო, სად აქვს ხოჭოს სმენის ორგანო. დასვა მაგიდაზე ხოჭო და დაუსტვინა. ხოჭო გაიქცა. შემდეგ ცდაზე ხოჭოს ფეხი მოგლიჯა, დაუსტვინა ძველებურად, მაგრამ ხოჭო აღარ გაქცეულა. მეცნიერმა დაასკვნა: ხოჭოს სმენის ორგანო ფეხში ჰქონია!

_სიდედრმა ისეთი საშინელი ფეხსაცმელი მაჩუქა, რომ მის დანახვაზე ბავშვი ცუდად გახდა და ორი კვირაა, რაც ნევროპათოლოგთან დამყავს!


კოლექტიური იუმორის, დელიკატურობის და კაცური სინაზის გამოვლინებაა თელაველების დამოკიდებულება ორ სეხნია_თანამემამულესთან, ორ ვიქტორთან: ერთერთმა უბედური შემთხვევის შედეგად ხელი დაკარგა. მათ განსასხვავებლად თელაველებმა ჯანმრთელს შეარქვეს “ორხელა ვიქტორა”.

მარკ ტვენ ერთერთი ლექციის წინ ძალიან ნერვიულობდა, მაგრამ მოახერხა, პირველივე წინადადებით აუდიტორიის აღფრთოვანება: _იულიუს კეისარიმოკვდა, შექსპირი მოკვდა, ნაპოლეონიც მოკვდა და მეც ვერ ვგრძნობ თავს კარგად. . .

პარიზის მთავარეპისკოპოსს ჟან ბატისტ მოლიერი ერეტიკოსად მიაძნდა და მისი სასაფლაოზე დაკრძალვის ნებართვა არ გასცა. ლუდოვიკო XIV_მ ეპისკოპოსს ჰკითხა: _რა სიღრმეზეა მიწა ნაკურთხი სასაფლაოზე? _რვა ფუტის სიღრმეზე. _მაშინ მე ვბრძანებ მოლიერისათვის საფლავი გათხარონ 12 ფუტის სიღრმეზე.

ყველა ჩვენგანში ძინავს გენიას . . .ლეთარგიული ძილით

მეწაღემ ბიჭი მიუყვანა ნავროპათოლოგს: _გამიგე ერთი, რა ჭირს! სამი წლისაა და ფეხსაცმლის დაკერება ვერ ისწავლა!

_ყველა ნარკომანი ანებებს თავს ნარკოტიკს! ზოგიერთი ამას სიცოცხლეში ახერხებს (ასწრებს)

_ექიმო, ჩემ შვილს ერთი თვეა არც ხორცსა ჭამს და არც თევზს. პირი არ დაუკარებია! _რატომ? _არ გვაქვს!

ფ ა უ ნ ა

ჩინეთში ჩვენს ერამდე 1000 წლის წინ არსებობდა ზოოლოგიური ბაღი _ “გონების ბაღი”, ანუ “ცოდნის ბაღი” უამრავი ცხოველით. განთავსებული იყო 400 ჰა-ზე.

ჩვენი წ.ა. I საუკუნეში ავგუსტუსის ზოოპარკში ყოლიათ 3500 ცხოველი.

1899 წელს დანიელმა ბიოლოგიის მასწავლებელმა მარტინსენმა შემოიღო ფრინველთა დარგოლვა მიგრაციის შესასწავლად

ყვავი კი არა და ყორანი ცოცხლობს 100წელი, ნიანგი _300წ, ხოლო ახალ ზელანდიაში თოლიების ბუდეში მობინადრე ხვლიკი ტუატრა _4 საუკუნე ცოცხლობს.

თუკი თუთიყუში მამაკაცის მოფერებაზე ჯავრობს _მამალია. ნისკარტზე მუქი ლაქაც ამის ნიშანია.

მფრინავი თევზები, სიგრძით 30-50 სმ, შეუძლიათ იფრინონ 4-5 მ-ის სიმაღლეზე 100-150 მეტრი!

ჟირაფის სიმაღლე 5-6 მეტრია.

თეთრი მარტორქა 5 ტონას იწონის

1923წელს შოტლანდიურმა კოლიმ (ბობი), რომელიც დაკარგეს შვებულებაში მყოფმა პატრონებმა, გაირბინა 3200 კმ და დაბრუნდა სახლში.

იაპონიაში ერთერთ რკინიგზის სადგურის პლატფორმაზე დგას ძაღლის ქანდაკება რკ. სადგურის უფროსის ქუდით. ეს ძაღლი 10 წელი, სიკვდილამდე ამაოდ დადიოდა სადგურში . . . .პატრონის დასახვედრად!

არაბთა დაერთიანებულ რესპუბლიკაში ტარდება სილამაზის კონკურსი 10 მლნ$ საპრიზო ფონდით. . .აქლემებს შორის.

ახლადდაბადებული კენგურუ 7 თვის განმავლობაში არ ამოდის . . .

დინოზავრები ჯგროდ დადიოდნენ და ერთმანეთს კუდზე აბიჯებდნენ ხონმე, რასაც მოწმობს . . .
ავსტრალიური გომბეშო შთამომავლობას მუცელში ზრდის და მერე ისინი პირიდან ხტებიან . . .

ყველაზე ხმამაღლა ღრიალებენ: . . . I-ნიანგები, II-ბეჰემოტები და III-ლომები!

სირაქლემას შეუძლია მიბაძოს სხვა ცხველებს: იღრიალოს ლომივით, ისისინოს გველივით და ვირივით . . .
ყველაზე დიდ მტაცებელი ცხოველია თეთრი დათვი. გადაშენება ემუქრება . . . დედამიწაზე დათბობის გამო
კუს 250 სახეობიდან (ყველაზე დიდი 2მ., 400კგ.) საქართველოში მხოლოდ სამია.

მაო ძე დუნმა ჩინელებს მოუწოდა საბრძოლველად 4 უბედურებასთან: ბუზები, კოღოები, ვირთხები და . . .ბეღურები
დიდ ბრიტანეთში სამეფო ფრინველად ითვლება . . .ყორანი. ლეგენდის მიხედვით თუ ყორნები ამოწყდებიან, ტაუერის ციხე დაინგრევა და იმპერიაც დაიშლებაო!

ჩუკოტკაზე პატარა მდინარეში გამოჩეკილი ორაგულები 4 წელი ცხოვრობენ სამხრეთ ამერიკის მახლობლად! შემდეგ ბრუნდებიან “სამშობლოში”, იმავე მდინარეში, იქვე იხოცებიან და იქცევიან მომავალი თაობის . . .საკვებად!

ვენერა ერადერთი პლანეტაა მზის სისტამაში, რომელიც ბრუნავს საათის ისრების . . .საწინააღმდეგოდ.

შოტლანდიაში ადამიანებზე მეტი . . .ცხვარია

სირაქლემას თვალი უფრო დიდი აქვს, ვიდრე . . .ტვინი

ძროხას კიბეზე აიყვან, მაგრამ ვერ ჩამოიყვან. (ეს მოხისელებმაც _სოფ. ქარელის რაიონში, იცოდნენ. ძროხა აიყვანეს სხვენში, სადაც დანა ჰქონდათ და იქვე დაკლეს. ამაზე ოხუნჯობენ ქართლელები _მოხისელივით იქცევაო!)

რვაფეხები წესრიგისა და სისუფთავის მოყვარულებია: აწყობენ სახლს, საკვების ნარჩენები და “ნაგავი” გააქვთ სპეციალურად შერჩეულ ადგილას.

კატები სიცოცხლის 60%-ს ატარებენ . . ძილში

მაიმუნების შემდეგ ყველაზე გონიერი ცხოველებში . . სპილოა; კარგად ცურავს, ძილის დროს ხეს ეყრდნობა და ხორთუმს პირში იდებს! რატომ? ჭიანჭველები რომ არ შეუძვრნენ! სპილო ცხოვრობს 100 წლამდე და შობს მხოლოდ 6 შვილს.

ერთი წყვილი ბეღურას ნამატი 10 წელში 250 მლნ-ია!

ხანგრძლივი ცურვის შემდეგ უკიდეგანო ოკეანეში მეზღვაურმა პინზონმა ადმირალ კოლუმბს ურჩია სამხრეთ_დასავლეთით წასულიყვნენ, რადგან ამ მიმართულებით გადაიფრინეს თუთიყუშებმა. კოლუმბამა დაუჯერა და აღმოაჩინა . . .ამერიკა

ქინქლა ფრთებს ყველაზე ენერგიულად იქნევს _133000-ჯერ წუთში!

ცოცხალ არსებათა შორის ხტომაში რეკორდსმენი რწყილია. მისი ნახტომი 33 სმ-ს აღწევს, რაც მისი ტანის სიგრძეს 350-ჯერ აღემატება. ადამიანიც რომ რწყილივით მოქნილი და ღონიერი იყოს, გადახტებოდა . . .600 მეტრზე!

ფ ლ ო რ ა

ხეებს ტელეპათიის უნარი ჰქონიათ; რეაგირებენ ადამიანზე, რომელიც ცუდად მოექცა!

ბიოენერგია აქვთ მუხას, ფიჭვს, აკაციას, ნეკერჩხალს. ამას იგრძნობთ ასეთ ხეს თუ მიეყუდეთ ან სახით მიეკარით ნახევარი საათით!

კაქტუსი საგუარო (კალიფორნია) სიმაღლეში აღწევს 17,7მ.

ჩაის ბუჩქი ვერ იტანს გადარგვას, ამიტომაც ჩინეთში ითვლება ერთგულების სიმბოლოდ და ჩუქნიან . . .

ამაზონის ჯუნგლებში უფრო მეტი ჟანგბადი გამოიყოფა, ვიდრე მსოფლიოს დანარჩენ ტყეებში


ქუთაისის გუბერნატორმა სტაროსელსკიმ შემოიღო . . . და გადაარჩინა ქართული ვაზი ფილოქსერასაგან!

ავსტრალიის კვისლენდის შტატში დგას ძეგლი მავნებელი მწერის კაქტობლასტისის. XIX ს-ის 30=იან წლებში ავსტრალიაში სწრაფად გავრცელდა აპუნციას ჯიშის ერთი კაქტუსი, რომელმაც მოკლე ხანში 25 მლნ. ჰა სავარგულები დაფარა. ავსტრალიელები შიმშილისაგან იხსნა აბრეშუმის ჭიის მაგვარმა ჭიამ, რომელმაც წელიწადში ნახევარი მლნ მუხლუხო გამოჩეკეს. ამ “ლაშქარმა” რამდენიმე წელიწადში 15 მლნ ტონა კაქტუსი შეჭამა და დაუბრუნა სავარგულები ავსტრალიელებს!

ს ა ი ნ ტ ე რ ე ს ო. ბუნება +

მსოფლიოში 54 ზღვაა
ადამიანს აქვს 206 სახსარი და 639 ძრავა ანუ კუნთი.
გული ყველაზე ძლიერი ტუმბოა: ! წლის განმავლობაში ასრულებს 36 მლნ. კუმშვას, ხოლო 50 წლის განმავლობაში ტუმბავს 300 ათას ტონა სისხლას!
პოლიგლოტი რასმუს კრისტიან რასკი (1787-1832წწ) ლაპარაკობდა 230 ენაზე, (მ.შ. აფრიკულ სლენგებზეც), წერდა ლექსიკონებს და გრამატიკის სახელმძღვანელოებს!

ადამიანის გულის კუნთი თუ დაზიანდა, მის ფუნქციას ავტომატურ რეჟიმში სხვა კუნთი შეასრულებს!
ყველაზე მაღალია ჩინელი ბაო ძი შუნი 233 სმ-ია!
ყველაზე მძიმეა მექსიკელი მანუელ ურიბე _550კგ!
ქვა _თილისმა
ონიქსი _აძლიერებს მეხსიერებას, ანათებს გონებას
ამეთვისტო _ამტკიცებს ოჯახურ კავშირებს
ფირუზი _იზიდავს საწინააღმდეგო სქესს და . . .ფულს
მალაქიტი _შთანთქავს ნეგატიურ ენერგიას
ვარდისფერი კვარცი _”გულის ქვა”, იძლევა ძალასა და შთაგონებას
ვეფხვის თვალი _ეხმარება ყურადღების კონცეტრაციაში

ს ა ი ნ ტ ე რ ე ს ო ბუნება

ფერები

მეამბოხე წითელი _ლიდერთა ფერია, მათი, ვინც ძალას ანიჭებს უპირატესობას
ბავშვური ნარინჯის ფერი, ასოცირდება მოძრაობასა დახალისთან.
ყვითელი იმედი; სითბო, მზე, გართობა
ანალიტიკოსი მწვანე_ლოგიკური აზროვნება და შემოქმედებითი ცხოვრება.
მისტიკური ლურჯი_ შემოქმედებითი ნატურების, პიკასოს ლურჯი პერიოდი, სამყაროს უკეთ შეცნობა.
ყავისფერი_მდაბიო წარმომავლობისაა (შერევით მიიღება), ემოციურთა თავშესაფარს უწოდებენ.
მისტიკური ნაცრისფერი _საკუთარ თავთან დარჩენის სურვილია.
მეფური იასამნისფერი _მარჯვენა ნახევარსფეროსთან ასოცირდება, სიბრძნე, შთაგონების წყარო
მიწიერი შავი _თვალდახუჭულიც ვხედავთ, მაგიური, ფერთა შორის ლიდერი
ღვთაებრივი თეთრი, ირეალური სწრაფვა ზეცისკენ